De Fryske Akademy biedt yn gearwurking mei de Universiteit van Amsterdam ien promoasjeplak foar fjouwer jier op it mêd fan de Fryske taal en kultuer. Ast op syk bist nei in nijsgjirrich wurkplak dêr’tst selsstannich ûndersyk dwaan kinst en dêr’t belangstelling foar de Fryske taal ferbûn wurdt mei eigentiidsk ûndersyk oan ien fan de Europese topuniversiteiten op it mêd fan taalwittenskip, dan biede wy no in unike mooglikheid. Troch de gearwurking tusken Fryske Akademy en Universiteit van Amsterdam krijst tagong ta in sterke, ynternasjonale ûndersyksomjouwing en tagelyk ta spesjalistyske kennis oer Fryslân en de Fryske taal.

Do skriuwst yn fjouwer jier in proefskrift oer it tema ‘Tense, Mood and Aspect in Verbal Morphology of Old Frisian’. Dit ûndersyk is part fan it projekt ‘The Roots of Old West Frisian’ en leveret ek in bydrage oan de opbou fan de Taaldatabank. De projektbeskriuwing is taheakke by dizze advertinsjetekst.
Foar de útfiering fan it ûndersyksprojekt binne wy op syk nei kandidaten mei in eftergrûn yn of dúdlike affiniteit mei de taalkunde, benammen morfology en syntaxis en mei each foar histoaryske/diagroane aspekten. In oantoanbere affiniteit mei it Frysk en/of bestudearring fan de Fryske taal strekt ta oanbefelling.

Ferskaat & ynklusy

De Fryske Akademy achtet in wurkomjouwing wêryn’t elkenien him wolkom en wurdearre fielt fan grut belang. In wurkomjouwing dêr't omtinken yn is foar yndividuele kwaliteit en dêr't ûntwikkelmooglikheden foarop steane. Mei-inoar stribje wy nei in ynklusive kultuer dêr't wy ferskillen yn omearmje. Wy nûgje dan ek graach kandidaten út dy't troch harren eftergrûn en ûnderfining hjiroan in bydrage leverje wolle. By gelikense geskiktheid giet de foarkar út nei de kandidaat dy't it ferskaat binnen de Fryske Akademy en de Universiteit van Amsterdam op dy wize fersterket.

• In mastertitel mei treflike sifers yn in oanbelangjend fakgebiet.
• Fereaske talekennis: Ingelsk (dominante taal fan publikaasjes) en de reewilligens om op koarte termyn funksjonearje te kinnen yn in omjouwing dêr’t Frysk en Nederlânsk as fiertaal brûkt wurde; foar de bestudearring fan de âldere fakliteratuer is passive kennis fan it Dútsk nedich
• Treflike akademyske skriftlike en mûnlinge feardichheden.
• Goede sosjale en organisatoaryske feardichheden.
• Grutte belangstelling foar in wittenskiplike karriêre.

Dienstverband voor bepaalde tijd: 4 jier.

Oanstelling

Do wurdst foar in perioade fan 4 jier oansteld. Yn earste ynstânsje wurdt in kontrakt fan 1 jier oanbean, mei in ferlinging foar de folgjende jierren op grûn fan in evaluaasje fan, ûnder mear, in skriftlik ûndersyksresultaat. Wy biede in foltiidske promovendusoanstelling (38 oeren wyks) foar 4 jier, leafst sa gau mooglik te begjinnen.
It salaris is, by in folsleine oanstelling, yn it earste jier € 2.872,- P skaal 0 smoarch yn 'e moanne, oprinnend oant € 3.670,- smoarch yn it lêste jier. Geunstige arbeidsbetingsten hâlde yn: fakânsjejild en einjiersútkearing, neffens de cao Nederlandse Universiteiten. Wy biede in rom pakket fan sekundêre arbeidsbetingsten.

Fryske Akademy

De Stifting Fryske Akademy docht wittenskiplik ûndersyk nei de Fryske taal, de meartalige maatskippij en de regionale skiednis fan Fryslân. Mei multydissiplinêr ûndersyk leveret de Fryske Akademy fernijende bydragen oan it ynternasjonale wittenskiplike debat, draacht by oan it akademyske klimaat yn Ljouwert en Fryslân, en generearret ynspirearjende fûnemintele en tapasbere kennis foar en oer de mienskip. Op dy wize wurket de Fryske Akademy oan wittenskip op nivo, mei each foar maatskiplike ympakt en basearre op in sterk engaazjemint mei Fryslân en de Friezen. De Fryske Akademy is stevich yn de regio bewoartele en is oan de Koninklijke Nederlandse Akademie van Wetenschappen (KNAW) liearre. It ynstitút dielt de kennis dy't opdien wurdt mei tal fan wittenskiplike ynstellingen en maatskiplike partijen yn binnen- en bûtenlân, lykas it Instituut voor de Nederlandse Taal (INT), it KNAW Humanities Cluster (HuC), Campus Fryslân/Ryksuniversiteit Grins (RUG) en it Centre for Language and Speech Technology (CLST – Radboud Universiteit).